آنه الوالدة وجور الوكت ذبني
منتديات: مستر حـــــــــــــــــــــوده :: منتديات شعريه منتديات الشعر العربي والشعر النبطي منتديات الخاطره منتديات شعريه :: الخاطرة الادبية و الابداعات الأدبية بالخواطر idea خاطره
صفحة 1 من اصل 1
آنه الوالدة وجور الوكت ذبني
من طرف Mr.7oOoda الأحد سبتمبر 28, 2008 10:21 am
آنه الوالدة وجور الوكت ذبني
آنه الوالدة وجور الوكت ذبني وأحس الروح راحت من رحت يبني
***
أنصبت وسط القلب مهدك يضي العين وأضلوعي تحرسك من مرام البين
وإعلى هز المهد يبني أسهرت سنتين وأشباح السهر جانن يبارني
***
تكبر والأمل يبني كبر وياك لدارك من تطبها بلهفة أتلقاك
تصد عيني إعلى طولك والكبد يرعاك ماأدري تروح وتنفقد مني
***
وين سنين عمري الجانت تباريك وين السهر يبني اللي سهرته إعليك
بسرعة تروح مني ماجنت أدريك فقدك وأنقطع منك بعد ظني
***
تنوح الوالدة الغاب الولد عنها اشلون اللي أبنها ينفقد منها
مايبطل بجاها ولايخف ونها وأنا خلافك يفت صم الصخر وني
***
عشت ويا النباب وبقلي ربيتك مني تنفقد وتروح مدريتك
آنه لو أدري بسواد عيوني ضميتك لامن بعدك أحمل هالغصص ذني
***
يامن جنت شمعة زاهية بداري وياوجه البراءة العاش بأفكاري
أحن إعليك يبني ليلي ونهاري وحتى الفاجدات أجزعن من حني
***
من بعدك أقضي بالحزن يومي يجيني الليل وأتوسد على همومي
كل لحظة أفز مرعوبة من نومي جنك مامتت آنه المتت جني
***
رحت وبقلبي كم لوعة حزن خليت ومثل ون الحمامة الفرقتك ونيت
جنت أتمنى تحظر دفنتي ياريت وبيدك ياشريك الروح تدفني
آنه الوالدة وجور الوكت ذبني وأحس الروح راحت من رحت يبني
***
أنصبت وسط القلب مهدك يضي العين وأضلوعي تحرسك من مرام البين
وإعلى هز المهد يبني أسهرت سنتين وأشباح السهر جانن يبارني
***
تكبر والأمل يبني كبر وياك لدارك من تطبها بلهفة أتلقاك
تصد عيني إعلى طولك والكبد يرعاك ماأدري تروح وتنفقد مني
***
وين سنين عمري الجانت تباريك وين السهر يبني اللي سهرته إعليك
بسرعة تروح مني ماجنت أدريك فقدك وأنقطع منك بعد ظني
***
تنوح الوالدة الغاب الولد عنها اشلون اللي أبنها ينفقد منها
مايبطل بجاها ولايخف ونها وأنا خلافك يفت صم الصخر وني
***
عشت ويا النباب وبقلي ربيتك مني تنفقد وتروح مدريتك
آنه لو أدري بسواد عيوني ضميتك لامن بعدك أحمل هالغصص ذني
***
يامن جنت شمعة زاهية بداري وياوجه البراءة العاش بأفكاري
أحن إعليك يبني ليلي ونهاري وحتى الفاجدات أجزعن من حني
***
من بعدك أقضي بالحزن يومي يجيني الليل وأتوسد على همومي
كل لحظة أفز مرعوبة من نومي جنك مامتت آنه المتت جني
***
رحت وبقلبي كم لوعة حزن خليت ومثل ون الحمامة الفرقتك ونيت
جنت أتمنى تحظر دفنتي ياريت وبيدك ياشريك الروح تدفني
Mr.7oOoda- المدير العام
- عدد الرسائل : 455
تاريخ التسجيل : 12/04/2008 -
منتديات: مستر حـــــــــــــــــــــوده :: منتديات شعريه منتديات الشعر العربي والشعر النبطي منتديات الخاطره منتديات شعريه :: الخاطرة الادبية و الابداعات الأدبية بالخواطر idea خاطره
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى